جب انڈیا کے فوجی سربراہ نے پاکستانی سفیر کو گلے لگایا

گورکھا اور انڈین فوج کے جوان ہمیشہ انھیں پیار سے ‘سیم بہادر’ کہتے تھے۔ سکھ بھی انھیں اپنا سمجھتے تھے کیونکہ وہ امرتسر میں پیدا ہوئے تھے۔ انھیں تمل لوگوں نے بہت پسند کیا کیونکہ انھوں نے ریٹائرمنٹ کے بعد نیلگریز کو اپنا گھر بنایا۔

12 ایف ایف آر دستہ کے لیے جہاں سے انھوں نے اپنے کریئر کا آغاز کیا وہ ہمیشہ ‘جنگی لاٹ’ رہے۔ وہ نہ صرف انڈین فوج کے سپاہیوں میں سب کے محبوب جنرل تھے بلکہ ان کے لیے عام لوگوں کے دلوں میں جو محبت ہے وہ کم ہی لوگوں کے لیے ہوتی ہے۔ وہ ان چند لوگوں میں شامل تھے جو اپنی زندگی میں ہی ایک لیجنڈ بن گئے۔